MOA para sa pagpapalakas ng sports sa bansa, nilagdaan UGB MMA Corporation at MemoryMaker Solution Inc.
Handang suportahan ni MemoryMaker ang programa ng UGB MMA sa Sports at pagtulong sa mga mahihirap na mapaunlad ang kabuhayan.
Lumagda sa isang kasunduan ang Memory Makers Solution Inc. (MMSI) at Underground Battle MMA Corporation para sa pagpapaigting ng sports activities sa bansa.
Ang paglagda ay ginawa ni Ms. Mary Grace Montino, kinatawan ng Memory Makers Solution Inc. at Ferdinand Munsayac ng UGB MMA sa Podium West Tower sa Ortigas, Mandaluyong City.
Dumalo rin sa signing ng MOA ang ilang kinatawan ng UGB MMA at Media practitioners.
Sa isang panayam, kay Ms. Montino, sinabi nito na handa nilang suportahan ang programa ng UGB MMA sa Sports at pagtulong sa mga mahihirap na mapaunlad ang kabuhayan.
Ito rin aniya ang goal ng MMSI na tumulong at sila ang gagawa para maisakatuparan ang mga layuning ito at maipakilala ang UGB MMA, locally at internationally.
Ayon naman kay Mr. Munsayac, malaki ang kanyang tiwala sa suporta ng MMSI, dahil nakita nito na isang complete package ang kompanya, lalo na ngayong digital world.
Lahat aniya ay mayroon ang MMSI mula sa sponsorship, hanggang sa streaming para suportahan ang advocacy at ipagpatuloy ang aming mga aktibidad.
Masasabing isang hulog ng langit ang MMSI kaya masaya umano ang UGB MMA na maka-trabaho ang MMSI.
